തൃശൂർ: ഓൾ കേരള വെള്ളി, ശനി ദിവസങ്ങളിൽ തൃശൂരിൽ നടക്കുമെന്ന് സംസ്ഥാന പ്രസിഡൻറ് മുണ്ടേരി ഗംഗാധരൻ വാർത്തസമ്മേളനത്തിൽ അറിയിച്ചു. കുറുപ്പം റോഡ് എ.എസ്.എൻ നമ്പീശൻ ഹാളിൽ വെള്ളിയാഴ്ച വൈകീട്ട് 3.30ന് 'പെൻഷൻ പദ്ധതികൾ- പ്രശ്നങ്ങളും പ്രതിവിധികളും' സെമിനാർ മുൻ സഹകരണ മന്ത്രി സി.എൻ. ബാലകൃഷ്ണൻ ഉദ്ഘാടനം ചെയ്യും. ശനിയാഴ്ച രാവിലെ 10ന് മന്ത്രി വി.എസ്. സുനിൽകുമാർ സമ്മേളനം ഉദ്ഘാടനം ചെയ്യും. 11.30ന് പ്രതിനിധി സമ്മേളനം സഹകരണ പെൻഷൻ ബോർഡ് ചെയർമാൻ സി. ദിവാകരൻ ഉദ്ഘാടനം ചെയ്യും. ഇ.പി.എഫ് പെൻഷനിൽനിന്ന് മാറ്റി സഹകരണ പെൻഷൻ പദ്ധതി നടപ്പാക്കിയെങ്കിലും സർക്കാർ വാഗ്ദാനം പാലിച്ചില്ല. കാലോചിതമായ പെൻഷനും കമ്യൂട്ടേഷനും ഇതുവരെ അനുവദിച്ചിട്ടില്ല. പെൻഷൻ വിഷയത്തിലെ പ്രശ്നങ്ങൾക്ക് പരിഹാരം കാണാൻ സർവിസിലുള്ള ജീവനക്കാരുടെ സംഘടനയുമായി യോജിച്ച് പ്രക്ഷോഭങ്ങൾക്ക് നേതൃത്വം നൽകുമെന്ന് ഭാരവാഹികൾ അറിയിച്ചു. ജനറൽ സെക്രട്ടറി കെ. രാജീവൻ, ട്രഷറർ വി.കെ. ജോൺസൺ, കൺവീനർ പി. രാമചന്ദ്രൻ, കെ.പി. പോളി എന്നിവരും വാർത്തസമ്മേളനത്തിൽ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.