തൃശൂർ: നെൽവയൽ നീർത്തട സംരക്ഷണ സമിതിയുടെ അനുമതി തേടി കാത്തിരിക്കുന്നത് മുന്നൂറോളം അപേക്ഷകൾ. അനക്കമറ്റ് കിടന്ന ജില്ല സമിതിയെ കഴിഞ്ഞ ദിവസം പുനഃസംഘടിപ്പിച്ച് ചൊവ്വാഴ്ച ചേരാനിരുന്ന യോഗം ലോകായുക്ത ഇടപെടലിനെ തുടർന്ന് നടന്നില്ല. ഇതോടെ അപേക്ഷകളിന്മേൽ തീരുമാനമെടുക്കുന്നത് ഇനിയും വൈകും. യോഗ്യതയില്ലാത്തവരെ സമിതിയിൽ ഉൾപ്പെടുത്തിയെന്നാരോപിച്ചാണ് പൊതുപ്രവർത്തകൻ ടി.എൻ. മുകുന്ദൻ ലോകായുക്തയെ സമീപിച്ചിരുന്നത്. ഇതോടെയാണ് യോഗതീരുമാനങ്ങൾ നടപ്പാക്കുന്നത് വിലക്കി ലോകായുക്ത ഉത്തരവിറക്കിയത്. കൃഷിവകുപ്പിൽനിന്നും അയച്ച 11 പേരുടെ പട്ടികയിൽനിന്നുമാണ് കർഷക പ്രതിനിധികളായുള്ള മൂന്നുപേരെ സമിതിയിൽ ഉൾപ്പെടുത്തിയത്. എന്നാൽ കർഷകരല്ലാത്തവർ ഉൾപ്പെട്ടുവെന്നാണ് ആരോപണം. 13നാണ് കേസ് ലോകായുക്ത വീണ്ടും പരിഗണിക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.