ആമ്പല്ലൂര്: ചെങ്ങാലൂരില് ജപ്പാന് കുടിവെള്ളപദ്ധതിക്ക് പൈപ്പിടാന് വേണ്ടി എടുത്ത കുഴികള് അപകടക്കെണിയാകുന്നു. പുതുക്കാട് - മുപ്ലിയം റോഡില് ചെങ്ങാലൂര് ഭാഗത്താണ് കുഴികള് രൂപപ്പെട്ടത്. നാലുവര്ഷം മുമ്പ് സ്ഥാപിച്ച പൈപ്പുകള് ചില ഭാഗങ്ങളില് യോജിപ്പിക്കുന്നതിനുവേണ്ടിയാണ് രണ്ടുമാസം മുമ്പ് കുഴിയെടുത്തത്. ഈ കുഴികള് പൂര്ണമായി മൂടാത്തതാണ് പ്രശ്നം. മഴക്കാലമായതോടെ കുഴികളില് വാഹനങ്ങള് താഴ്ന്ന് അപകടങ്ങള് ഉണ്ടാകുന്നത് പതിവായി. കലുങ്കുകളും റോഡിലെ വീതി കുറഞ്ഞ ഭാഗങ്ങളിലുമാണ് ഇത്തരത്തിലുള്ള കുഴികള്. ബസുകള് ഉള്പ്പെടെ നിരവധി വാഹനങ്ങള് പോകുന്ന പ്രധാന റോഡിലെ കുഴികള് മണ്ണിട്ട് മൂടി ടാറിങ് നടത്തണമെന്ന് നാട്ടുകാര് ആവശ്യപ്പെട്ടു. വാട്ടര് അതോറിറ്റിക്കും പൊതുമരാമത്ത് വകുപ്പിനും പരാതി നല്കിയിട്ടും നടപടിയുണ്ടായില്ലെന്നും നാട്ടുകാര് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.