വടക്കാഞ്ചേരി: ഉൗത്രാളിക്കാവ് പൂരം വിളംബരമായി നൂറുകണക്കിന് ഭക്തരുടെയും ദേശക്കാരുടെയും സാന്നിധ്യത്തിൽ പറ പുറപ്പാട് നടന്നു. കരിമരുന്ന് പ്രയോഗവും നടന്നു. പൂരത്തിന് തുടക്കം കുറിച്ച് ചൊവ്വാഴ്ച കാലത്ത് കോമരം പള്ളിയത്ത് മാധവൻ നായർ കൊടിക്കൂറ ഉയർത്തി. ഇതോടെ ഉൗത്രാളിക്കാവും തട്ടക ദേശങ്ങളും ആഘോഷ ലഹരിയിലായി. എങ്കക്കാട് ദേശത്തിെൻറ നേതൃത്വത്തിൽ ബുധനാഴ്ച മുതൽ സാംസ്ക്കാരിക പരിപാടികൾ ആരംഭിക്കും. വൈകീട്ട് 6.30ന് എങ്കക്കാട് ശ്രീ ദുർഗ നൃത്ത വിദ്യാലയത്തിെൻറ നേതൃത്വത്തിൽ നൃത്തനൃത്യങ്ങളോടെയാണ് കലാപരിപാടിക്ക് തുടക്കമാവുക. കുമരനെല്ലൂർ ദേശം 24ന് അനുഷ്ഠാന കലാരൂപങ്ങളുടെ പ്രദർശനവും പൂരം വിളംബര ഘോഷയാത്രയും നടത്തും. 27-നാണ് ദേശങ്ങൾ മത്സരിച്ച് ഒരുക്കുന്ന ഉൗത്രാളിക്കാവ് പൂരം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.