തൃശൂർ: ചേർത്തല കെ.വി.എം ആശുപത്രിയിലെ നഴ്സുമാരുടെ സമരം ഒത്തുതീര്പ്പാക്കണമെന്നാവശ്യപ്പെട്ട് സംസ്ഥാനത്തെ സ്വകാര്യ ആശുപത്രികളിലെ നഴ്സുമാര് യുനൈറ്റഡ് നഴ്സസ് അസോസിയേഷെൻറ ആഭിമുഖ്യത്തിൽ ആരംഭിച്ച സമരം ജില്ലയിലെ സ്വകാര്യ ആശുപത്രികളുടെ പ്രവര്ത്തനത്തെ കാര്യമായി ബാധിച്ചില്ല. അതേസമയം, നല്ലൊരു വിഭാഗം നഴ്സുമാര് പണിമുടക്കിലാണ്. വ്യാഴാഴ്ച രാവിലെ ഏഴ് മുതല് വെള്ളിയാഴ്ച രാവിലെ ഏഴു വരെയാണ് പണിമുടക്ക്. ആശുപത്രികളുടെ പ്രവര്ത്തനം നിശ്ചലമാകാതിരിക്കാൻ പര്യാപ്തമായ വിധത്തിൽ ജോലി ക്രമീകരിച്ചാണ് നഴ്സുമാര് പണിമുടക്കിയത്. അമല മെഡിക്കല് കോളജ് ആശുപത്രിയില് നൂറോളം നഴ്സുമാരാണ് പണിമുടക്കിയത്. അതുകൊണ്ടുതന്നെ അടിയന്തര സ്വഭാവമുള്ള ശസ്ത്രക്രിയകള് മാത്രമാണ് നടക്കുന്നത്. അല്ലാത്തവ മാറ്റിവെച്ചു. ജൂബിലി മെഡിക്കല് കോളജ് ആശുപത്രിയില് അഞ്ഞൂറിലധികം നഴ്സുമാര് സമരത്തിലുണ്ട്. അതിനാൽ, പതിവുപോലെ പരിശോധന നടന്നില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.