തൃശൂർ: മികച്ച പരിസ്ഥിതി പ്രവർത്തനങ്ങൾ നടത്തിയ വിദ്യാഭ്യാസ സ്ഥാപനങ്ങൾക്ക് ഓയിസ്ക ഇൻറർനാഷനൽ ഏർപ്പെടുത്തിയ അവാർഡുകളിൽ ഏഴെണ്ണം ജില്ലയിലെ വിദ്യാഭ്യാസ സ്ഥാപനങ്ങൾക്ക് ലഭിച്ചു. കോളജ് വിഭാഗത്തിൽ തലക്കോട്ടുകര വിദ്യ അക്കാദമി ഓഫ് സയൻസ് ആൻഡ് െടക്നോളജി, സർക്കാർ സ്കൂൾ വിഭാഗത്തിൽ എച്ചിപ്പാറ ഗവ. ട്രൈബൽ സ്കൂൾ, എയ്ഡഡ് സ്കൂൾ വിഭാഗത്തിൽ തൃത്തല്ലൂർ ടി.യു.പി സ്കൂൾ, അൺ എയ്ഡഡ് വിഭാഗത്തിൽ കോലഴി ചിന്മയ വിദ്യാലയ, മണ്ണുത്തി കൈലാസനാഥ വിദ്യാനികേതൻ, ചിറ്റാട്ടുകര വിദ്യാവിഹാർ സെൻട്രൽ സ്കൂൾ എന്നിവക്കാണ് അവാർഡ്. മികച്ച പരിസ്ഥിതി സൗഹൃദ പ്രവർത്തനം നടത്തുന്ന പാരാമെഡിക്കൽ വിദ്യാഭ്യാസ സ്ഥാപനമായി നടവരമ്പ് സോപാനം കോളജ് ഓഫ് ആയുർവേദ െതരഞ്ഞെടുക്കപ്പെട്ടു. ഓരോന്നിനും 10,001 രൂപയും പ്രശസ്തി പത്രവുമാണ് പുരസ്കാരം. കൂടാതെ, മികവ് നേടിയ ഏഴ് വിദ്യാഭ്യാസ സ്ഥാപനത്തിലും ഔഷധ സസ്യ നഴ്സറി ഉണ്ടാക്കി നൽകും. അവാർഡുകൾ ഒക്ടോബർ അവസാന വാരം തൃശൂരിൽ വിതരണം ചെയ്യുമെന്ന് പ്രോഗ്രാം കൺവീനർ ഡോ. കെ.എസ്. രജിതൻ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.