വാടാനപ്പള്ളി: യു.ഡി.എഫ് ഹർത്താൽ ആചരിക്കുമ്പോൾ റോഡിലെ കുഴികൾ അടച്ച് സി.പി.എം പ്രവർത്തകർ. ദേശീയപാത 17 ചേറ്റുവയിലെ കുഴികളാണ് സി.പി.എം കുണ്ടലിയൂർ ലോക്കൽ കമ്മിറ്റിയുടെ നേതൃത്വത്തിൽ അടച്ചത്. റോഡിലെ കുഴിയിൽപെട്ട് വാഹനാപകടം വർധിച്ചതോടെ നാട്ടുകാർ കുഴിയിൽ വാഴ നട്ട് പ്രതിഷേധിച്ചിരുന്നു. ഇതോടെ ഹർത്താലിൽ റോഡിലെ കുഴികൾ അടയ്ക്കാൻ സി.പി.എം പ്രവർത്തകർ തയാറാവുകയായിരുന്നു. നേതാക്കളും ബ്രാഞ്ച് സെക്രട്ടറിമാരുമടക്കം നിരവധി പേർ പങ്കെടുത്തു. ലോക്കൽ സെക്രട്ടറി കെ.ആർ. സാംബശിവൻ, മുൻ പഞ്ചായത്ത് പ്രസിഡൻറ് എം.എ. ഹാരീഷ് ബാബു, കെ.ആർ. രാജേഷ് എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.