പത്തനംതിട്ട: കെ.എസ്.ആര്.ടി.സി ബസില് സ്വകാര്യ ബസ് ഇടിച്ചതിനെ തുടര്ന്ന് തിരുവല്ല-കുമ്പഴ റോഡില് ഗതാഗതം തടസ്സപ്പെട്ടു. വെള്ളിയാഴ്ച വൈകീട്ട് മൂന്നോടെ ജനറല് ആശുപത്രി ജങ്ഷനിലായിരുന്നു സംഭവം. ബസ്സ്റ്റോപ്പില് യാത്രക്കാരെ ഇറക്കിയശേഷം മുന്നോട്ട് എടുക്കാന് ശ്രമിച്ച സ്വകാര്യ ബസ് മറികടന്ന് എത്തിയ കെ.എസ്.ആര്.ടി.സി ബസിലേക്ക് ഇടിക്കുകയായിരുന്നു. ഇതോടെ ഡ്രൈവര്മാര് തമ്മില് വാക്കേറ്റമുണ്ടായി. ട്രാഫിക് പൊലീസില് വിവരം അറിയിച്ചെങ്കിലും അരമണിക്കൂറോളം വൈകിയാണ് പൊലീസ് എത്തിയത്. ഈ സമയം ജനറല് ആശുപത്രി ജങ്ഷന് മുതല് സെന്റ് പീറ്റേഴ്സ് ജങ്ഷന്വരെ വാഹനങ്ങളുടെ നീണ്ടനിരയായിരുന്നു. ഗതാഗതക്കുരുക്കില് ജനറല് ആശുപത്രിയിലേക്ക് വന്ന ആംബുലന്സ് കുരുങ്ങി. പിന്നീട് പൊലീസ് എത്തിയാണ് ബസ് റോഡില്നിന്ന് മാറ്റിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.