ഒറ്റപ്പാലം: മുദ്രപത്രങ്ങള്ക്ക് കടുത്ത ക്ഷാമം നേരിട്ടത് ജനങ്ങള്ക്ക് അധിക സാമ്പത്തിക ബാധ്യത സൃഷ്ടിക്കുന്നു. ആവശ്യം 50 രൂപയുടെ മുദ്രപത്രമാണെങ്കിലും അഞ്ഞൂറോ ആയിരമോ മുഖവിലയുള്ള മുദ്രപേപ്പര് വാങ്ങേണ്ട ഗതികേടിലാണ് ആവശ്യക്കാര്. 500 രൂപയുടെ മുദ്രക്കടലാസുകളും പല വെണ്ടര്മാരുടെ പക്കലും തീരാറായ അവസ്ഥയാണ്. ഇത് തീരുന്നതോടെ ആയിരം രൂപയുടെ മുദ്രപേപ്പര് വാങ്ങേണ്ട സ്ഥിതിയിലാകും. 10, 20, 50 രൂപ വിലയുള്ള മുദ്രപത്രങ്ങള് കിട്ടാനില്ലാതായിട്ട് ഏതാനും നാളുകളായി. 100, 200 രൂപയുടേത് കൂടി വിറ്റ് തീര്ന്നതാണ് സ്റ്റാമ്പ് വെണ്ടര്മാര് കൈമലര്ത്താന് ഇടയാവുന്നത്. 100 രൂപയുടെ മുദ്രപത്രങ്ങള് കഴിഞ്ഞയാഴ്ച ലഭിക്കുമെന്ന കാത്തിരിപ്പിലിരുന്നവര് കാര്യം നടക്കാന് 500 രൂപയുടേത് വാങ്ങിക്കേണ്ട ഗതികേടിലായി. വിവിധ എഗ്രിമെന്റ്, അഫിഡവിറ്റ് തുടങ്ങിയ നിരവധി ആവശ്യക്കാരാണ് ഇതിനെ തുടര്ന്ന് വെട്ടിലായത്. ലഭ്യത തേടി പാലക്കാട്, പെരിന്തല്മണ്ണ, തൃശൂര്, മണ്ണാര്ക്കാട് തുടങ്ങിയ ദൂര ദിക്കുകളില് നടത്തിയ അന്വേഷണത്തില് വണ്ടിക്കൂലി നഷ്ടപ്പെട്ടവര് ഏറെയാണ്. ഓണ്ലൈന് വഴി ഇ സ്റ്റാമ്പിങ് സംവിധാനം ഏര്പ്പെടുത്തുന്നതിന്െറ ഭാഗമാണ് മുദ്രപത്ര ക്ഷാമമെന്ന് ആധാരമെഴുത്ത് കേന്ദ്രങ്ങള് പറയുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.