വടക്കഞ്ചേരി: അപകടത്തെ തുടർന്ന് ആലപ്പുഴ മെഡിക്കൽ കോളജ് ആശുപത്രിയിൽ ചികിത്സയിലിരിക്കെ മുങ്ങിയ തമിഴ്നാട് സ്വദേശി ലോക്ഡൗൺ ലംഘിച്ചതിന് അറസ്റ്റിൽ. തമിഴ്നാട് ഈറോഡ് സ്വദേശി ഭുവരശനെയാണ് (23) തൃശൂർ-പാലക്കാട് അതിർത്തിയായ വാണിയമ്പാറയിൽ അറസ്റ്റ് ചെയ്തത്. വെള്ളിയാഴ്ച രാത്രി 11ഓടെയായിരുന്നു സംഭവം. ഹൗസ് ബോട്ട് ജീവനക്കാരനായ ഇയാൾ ആലപ്പുഴയിൽനിന്ന് ബൈക്കിൽ ഈറോഡിലേക്ക് കടക്കുകയായിരുന്നു. ഇയാൾ ചികിത്സയിലിരുന്ന ആശുപത്രി അധികൃതർ വിവരമറിയിച്ചതിനെ തുടർന്ന് ആലപ്പുഴ പൊലീസ് യുവാവിൻെറ മൊബൈൽ ടവർ പരിശോധിച്ചതിൻെറ അടിസ്ഥാനത്തിൽ വടക്കഞ്ചേരി സ്റ്റേഷനിലേക്ക് വിവരമറിയിക്കുകയായിരുന്നു. ഇയാളെ ജില്ല ആശുപത്രിയിൽ നിരീക്ഷണത്തിലാക്കി. കേസെടുത്തതായി വടക്കഞ്ചേരി സി.ഐ ബി. സന്തോഷ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.