തിരൂരങ്ങാടി: 180ാമത് മമ്പുറം ആണ്ടുനേര്ച്ചക്ക് ചൊവ്വാഴ്ച കൊടിയേറും. ഒരുക്കങ്ങൾ പൂര്ത്തിയായതായും മഖാം ദാറുല്ഹുദ മാനേജിങ് കമ്മിറ്റി ഏറ്റെടുത്ത ശേഷമുള്ള ഇരുപതാമത് നേര്ച്ച കൂടിയാണിതെന്നും ഭാരവാഹികള് വാര്ത്തസമ്മേളനത്തില് അറിയിച്ചു. ചൊവ്വാഴ്ച നടക്കുന്ന മഖാം കൂട്ടസിയാറത്തിന് പാണക്കാട് അബ്ബാസലി ശിഹാബ് തങ്ങള് നേതൃത്വം നല്കും. തുടര്ന്ന് മമ്പുറം അഹ്മദ് ജിഫ്രി തങ്ങള് കൊടിേയറ്റുന്നതോടെ ഒരാഴ്ചത്തെ നേര്ച്ചക്ക് തുടക്കമാവും. രാത്രി ഏഴിന് മഖാമില് മൗലിദ് പാരായണ സദസ്സ് നടക്കും. തുടർന്ന് വിവിധ ദിവസങ്ങളിൽ പരിപാടികൾ നടക്കും. സമാപനദിനമായ 18ന് രാവിലെ എട്ട് മുതല് അന്നദാനം നടക്കും. വാര്ത്തസമ്മേളനത്തില് ഡോ. ബഹാഉദ്ദീന് മുഹമ്മദ് നദ്വി, കെ.എം. സെയ്തലവി ഹാജി കോട്ടക്കൽ, യു. ശാഫി ഹാജി ചെമ്മാട്, ഷംസുദ്ദീന് ഹാജി വെളിമുക്ക്, സി.കെ. മുഹമ്മദ് ഹാജി, ഹംസ ഹാജി മൂന്നിയൂര് എന്നിവർ സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.