നിലമ്പൂർ: ബസിൽനിന്ന് തെറിച്ചുവീണ് വിദ്യാർഥിനികൾക്ക് പരിക്ക്. നിലമ്പൂർ സ്വകാര്യ കോളജിലെ മൂന്നാം വർഷ ബി.കോം വിദ്യാർഥി ലിന, പ്ലസ് വൺ വിദ്യാർഥി സ്റ്റെഫി എന്നിവർക്കാണ് പരിക്കേറ്റത്. വിദ്യാർഥികളുടെ താടിയെല്ലിനും കാൽമുട്ടിനുമാണ് പരിക്ക്. ഇവരെ നിലമ്പൂർ ജില്ല ആശുപത്രിയിൽ പ്രവേശിപ്പിച്ചു. വെള്ളിയാഴ്ച വൈകീട്ട് അഞ്ച് മണിയോടെ നിലമ്പൂർ പുതിയ ബസ് സ്റ്റാൻഡിലാണ് സംഭവം. നിലമ്പൂരിൽനിന്ന് അരീക്കോേട്ടക്ക് പോവുന്ന സ്വകാര്യ ബസിൽ നിന്നാണ് വിദ്യാർഥികൾ പുറത്തേക്ക് തെറിച്ചുവീണത്. കുട്ടികൾ കയറുന്നതിനിടെ മുന്നിലേക്കെടുത്ത ബസിലെ ഡോറിലുണ്ടായിരുന്ന വിദ്യാർഥികളാണ് പുറത്തേക്ക് തെറിച്ചുവീണത്. ബസ് അമിതവേഗതയിൽ മുന്നോട്ട് എടുക്കുകയായിരുന്നുവെന്ന് നാട്ടുകാരും ഓട്ടോ തൊഴിലാളികളും പറഞ്ഞു. ഓട്ടോ ജീവനക്കാരാണ് ഉടൻ കുട്ടികളെ ആശുപത്രിയിലെത്തിച്ചത്. ബസ് നാട്ടുകാർ സ്റ്റാൻഡിൽ തടഞ്ഞിട്ടു. വിവരമറിഞ്ഞ് സംഘടിച്ചെത്തിയ വിദ്യാർഥികളും ബസ് ജീവനക്കാരും സ്റ്റാൻഡിൽ ചെറിയ സംഘർഷമുണ്ടായി. കുട്ടികളുടെ പരാതിയിൽ നിലമ്പൂർ പൊലീസ് ബസ് ജീവനക്കാർക്കെതിരെ കേസെടുത്തു. അതേസമയം ഡോർ പൊട്ടിയതാണ് കുട്ടികൾ പുറത്തേക്ക് വീഴാൻ കാരണമെന്ന് ബസ് ജീവനക്കാർ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.