ഷൊർണൂർ: ചെന്നൈ എഗ്മോർ-മംഗലാപുരം എക്സ്പ്രസിൽനിന്ന് പ്രത്യേക അന്വേഷണ സംഘം 11 കിലോ സ്വർണം പിടികൂടി. രാജസ്ഥാൻ സ്വദേശി രാം സ്വരൂപിനെ (25) കസ്റ്റഡിയിലെടുത്തു. വെള്ളിയാഴ്ച ഉച്ചക്ക് രണ്ടിന് ഷൊർണൂരിലെത്തിയ ട്രെയിനിൽ റെയിൽവേ പൊലീസ്, ആർ.പി.എഫ് സ്ക്വാഡുകൾ നടത്തിയ പരിശോധനയിലാണ് സ്വർണം പിടികൂടിയത്. 100 സ്വർണ ബിസ്കറ്റുകളും 940 ഗ്രാം വരുന്ന ആഭരണങ്ങളുമാണ് ബാഗിലുണ്ടായിരുന്നത്. ജ്വല്ലറികളിലേക്ക് വിൽപനക്കുള്ളതാണ് സ്വർണമെന്ന് പൊലീസ് പറഞ്ഞു. റെയിൽവേ സി.ഐ കീർത്തി ബാബുവിെൻറ നേതൃത്വത്തിൽ എസ്.ഐ വിനിൽകുമാർ, എ.എസ്.ഐ സക്കീർ അഹമ്മദ്, സി.പി.ഒമാരായ സതീഷ് കുമാർ, സുരേഷ്, ജോസഫ് എന്നിവരടങ്ങുന്ന സ്ക്വാഡും ആർ.പി.എഫ് സ്ക്വാഡിലെ എ.എസ്.ഐ ഷാജു, സി.പി.ഒമാരായ സജി, സവിൻ എന്നിവരും ചേർന്നാണ് സ്വർണം പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.