പാണ്ടിക്കാട്: തൊഴിലുറപ്പ് പദ്ധതിപ്രകാരം കഴിഞ്ഞ സാമ്പത്തികവർഷത്തിൽ 100 തൊഴിൽദിനങ്ങൾ പൂർത്തിയാക്കിയ പാണ്ടിക്കാട് ഗ്രാമപഞ്ചായത്തിലെ തൊഴിലാളികൾക്ക് സർക്കാർ വക സഹായം വിതരണം ചെയ്തു. പഞ്ചായത്ത് കോൺഫറൻസ് ഹാളിൽ നടന്ന പരിപാടി പ്രസിഡൻറ് എൻ.ടി. അജിത ഉദ്ഘാടനം ചെയ്തു. തൊഴിലുറപ്പ് പദ്ധതിപ്രകാരം കഴിഞ്ഞ സാമ്പത്തിക വർഷത്തിൽ 23 തൊഴിലാളികളാണ് 100 തൊഴിൽദിനങ്ങൾ പൂർത്തിയാക്കിയത്. ഇവർക്കുള്ള സർക്കാർ വക പാരിതോഷികമാണ് വെള്ളിയാഴ്ച വിതരണം ചെയ്തത്. സ്ഥിരം സമിതി അധ്യക്ഷൻ പി.ടി. ഷെരീഫ് അധ്യക്ഷത വഹിച്ചു. ജൂനിയർ സൂപ്രണ്ട് എം. രാകേഷ് മോൻ, കെ. ഫാത്തിമ, പി. ഫസില, തൊഴിലുറപ്പ് എ.ഇ ഷഫീഖ് ആറങ്ങോട്ടിൽ എന്നിവർ സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.