കോട്ടക്കൽ: സദാചാര ഗുണ്ടായിസത്തെത്തുടർന്ന് കുറ്റിപ്പാല പൂഴിത്തറ മുഹമ്മദ് സാജിദ് ആത്മഹത്യ ചെയ്ത സംഭവത്തിൽ ഒരാൾ അറസ്റ്റിൽ. ക്ലാരി മൂച്ചിക്കൽ സ്വദേശി ചോലയിൽ അബ്ദുനാസറിനെയാണ് (32) തിരൂർ പൊലീസ് ഇൻസ്പെക്ടർ അബ്ദുൽ ബഷീർ അറസ്റ്റ് ചെയ്തത്. ആത്മഹത്യയിലേക്ക് നയിച്ച ദൃശ്യങ്ങൾ പ്രചരിപ്പിച്ച വാട്സ്ആപ് ഗ്രൂപ് അഡ്മിനായ ഇയാൾ കേസിലെ ഒമ്പതാം പ്രതിയാണ്. നിലപ്പറമ്പ് സൗഹൃദ കൂട്ടായ്മ എന്ന പേരിലുള്ള ഈ വാട്സ്ആപ് ഗ്രൂപ് വഴി ദൃശ്യങ്ങൾ പ്രചരിപ്പിച്ച ഇയാളുടെ സഹോദരൻ സഹീറാണ് ഒന്നാംപ്രതി. സഹീർ, രണ്ടും, മൂന്നും പ്രതികളായ മൊയ്തീൻ, ഷഹീൻ എന്നിവർ മഞ്ചേരി മജിസ്ട്രേറ്റ് കോടതിയിൽ ജാമ്യാപേക്ഷ നൽകി. എട്ടോളം പേരാണ് കേസിലുള്ളത്. മോഷ്ടാവെന്ന പേരിൽ ദൃശ്യങ്ങൾ പ്രചരിപ്പിച്ചതിനെ തുടർന്നാണ് ആത്മഹത്യ ചെയ്യുന്നതെന്നായിരുന്നു ആത്മഹത്യ കുറിപ്പ്. ഒരു വാട്സ്ആപ് ഗ്രൂപ് കൂടി പൊലീസ് നിരീക്ഷണത്തിലാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.