പാലക്കാട്: തനിക്കെതിരെയുയർന്ന ലൈംഗികാരോപണ പരാതിക്ക് പിന്നിൽ ഗൂഢാലോചനയുണ്ടെന്ന പി.കെ. ശശി എം.എൽ.എയുടെ വാദത്തെ പരോക്ഷമായി തള്ളി സി.പി.എം പാലക്കാട് ജില്ല സെക്രട്ടറി സി.കെ. രാജേന്ദ്രൻ. ഡി.വൈ.എഫ്.ഐ വനിത നേതാവിെൻറ പരാതിയിൽ ഗൂഢാലോചനയുണ്ടോ എന്ന് ഇപ്പോൾ പറയാനാകില്ലെന്ന് സി.കെ. രാജേന്ദ്രൻ പറഞ്ഞു. തനിക്കിതുവരെ പരാതി കിട്ടിയിട്ടില്ല. പരാതി സ്വീകരിച്ചവർക്കേ ഉള്ളടക്കമെന്താണെന്ന് അറിയൂ. പാർട്ടിയിൽ വിശ്വാസമുള്ളതിനാലാകാം യുവതി പൊലീസിൽ പരാതി നൽകാതെ പാർട്ടിക്ക് പരാതി നൽകിയതെന്നും അദ്ദേഹം തൃത്താല കുമ്പിടിയിൽ പറഞ്ഞു. ചൊവ്വാഴ്ച മാധ്യമങ്ങളെ കണ്ട ജില്ല സെക്രട്ടറി ജില്ല കമ്മിറ്റിക്ക് പരാതിയൊന്നും ലഭിച്ചിട്ടില്ലെന്നും കൂടുതൽ കാര്യങ്ങൾ അറിയില്ലെന്നുമാണ് പറഞ്ഞിരുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.