തിരൂരങ്ങാടി: എസ്.എസ്.എഫ് സംസ്ഥാന സാഹിത്യോത്സവ് സെപ്റ്റംബർ എട്ട്, ഒമ്പത് തീയതികളിൽ ചെമ്മാട്ട് നടക്കുമെന്ന് സ്വാഗതസംഘം ഭാരവാഹികൾ വാർത്തസമ്മേളനത്തിൽ അറിയിച്ചു. മൂവായിരത്തോളം പേർ പെങ്കടുക്കും. ചെമ്മാട് ഖുതുബുസ്സമാൻ ഇംഗ്ലീഷ് മീഡിയം സ്കൂൾ കാമ്പസിലാണ് പ്രധാനവേദി. സാംസ്കാരിക ഘോഷയാത്ര വെള്ളിയാഴ്ച വൈകീട്ട് നാലിന് മമ്പുറത്ത് നിന്നാരംഭിക്കും. വെള്ളിയാഴ്ച വൈകീട്ട് ഏഴിന് 'ഗുൽസാരെ മഹബ്ബ്' ആത്മീയ സമ്മേളനം സമസ്ത പ്രസിഡൻറ് ഇ. സുലൈമാൻ മുസ്ലിയാർ ഉദ്ഘാടനം ചെയ്യും. എട്ടിന് വൈകീട്ട് നാലിന് സാഹിേത്യാത്സവ് മന്ത്രി കെ.ടി. ജലീൽ ഉദ്ഘാടനം ചെയ്യും. പ്രളയത്തിൽ പഠനസാമഗ്രികൾ നഷ്ടപ്പെട്ട 10,000 വിദ്യാർഥികൾക്ക് എജുകെയർ പഠനക്കിറ്റ് വിതരണവും നടക്കും. ഒമ്പതിന് വൈകീട്ട് അഞ്ചിന് സമാപിക്കും. വാർത്തസമ്മേളനത്തിൽ എന്.വി. അബ്ദുല് റസാഖ് സഖാഫി, എന്.എം. സൈനുദ്ദീന് സഖാഫി, എം. ജുബൈർ, സിറാജുദ്ദീന് കൊളപ്പുറം എന്നിവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.