പുലാമന്തോൾ: ക്വാറി-ക്രഷറുകളുടെ പ്രവർത്തനം നിർത്തിവെച്ച നടപടി നിയന്ത്രണങ്ങളോടെ പിൻവലിച്ച് നിർമാണ മേഖലയിലെ സ്തംഭനാവസ്ഥക്ക് പരിഹാരം കാണണമെന്ന് ലെൻസ്ഫെഡ് പെരിന്തൽമണ്ണ ഏരിയ കമ്മിറ്റി ആവശ്യപ്പെട്ടു. ലൈഫ് ഭവനപദ്ധതി പ്രകാരം നിർമിക്കുന്ന വീടുകളുടെ നിർമാണം പ്രളയത്തിനുശേഷം അസംസ്കൃത വസ്തുക്കളുടെ ക്ഷാമം കാരണം നിർത്തിവെച്ചിരിക്കുകയാണ്. പരിസ്ഥിതിലോല പ്രദേശങ്ങളിൽ വിദഗ്ധ സമിതിയുടെ നേതൃത്വത്തിൽ പരിശോധന നടത്തി മാത്രം ക്വാറികളുടെ പ്രവർത്താനാനുമതി നൽകുകയും അല്ലാത്തിടങ്ങളിൽ എത്രയും വേഗം നിർമാണ പ്രവർത്തനങ്ങൾക്ക് അനുമതി നൽകണമെന്ന് യോഗം സർക്കാറിനോടാവശ്യപ്പെട്ടു. ലെൻസ് ഫെഡ് ജില്ല സെക്രട്ടറി കെ.ബി. സജി ഉദ്ഘാടനം ചെയ്തു. ഏരിയ പ്രസിഡൻറ് പി. ഹാരിസ് അധ്യക്ഷത വഹിച്ചു. ജില്ല കമ്മിറ്റി അംഗം അമീർ പാതാരി, സി.എൻ. പ്രസാദ്, എസ്. പ്രവീൺ, പ്രശാന്ത്, പി.ടി. മുഹമ്മദ് ഇഖ്ബാൽ, എം. വേണുഗോപാൽ, ഏരിയ സെക്രട്ടറി സേതുമാധവൻ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.