തേഞ്ഞിപ്പലം: പെരുവള്ളൂരിൽ ആറു വീടുകളിൽ കവർച്ച ശ്രമം. പെരുവള്ളൂർ സൂപ്പർ ബസാർ, മൂച്ചിക്കൽ എന്നിവിടങ്ങളിലുള്ള വ ീടുകളിലാണ് മോഷണശ്രമം നടന്നത്. വീടുകളുടെ വാതിലിെൻറ പൂട്ടുകൾ പൊളിച്ചും പണം കവർന്നും നാശനഷ്ടം വരുത്തി. മോഷണത്തിന് പിന്നിൽ ഒരേ സംഘമാണെന്നാണ് സംശയിക്കുന്നത്. ഒരുവീട്ടിൽനിന്ന് മാത്രമാണ് പണം നഷ്ടപ്പെട്ടത്. വെള്ളാന വളപ്പിൽ കരോടത്തിൽ സലാം, തോട്ടോളി ശരീഫ്, പുളിയമ്പലം മൂച്ചിക്കൽ എൻ.വി. അബ്ബാസ്, കോടീരി എട്ടുവീട്ടിൽ ഹമീദ് തുടങ്ങി ആറ് വീടുകളിലാണ് മോഷണശ്രമം നടന്നത്. താമസമുള്ളതും ഇല്ലാത്തതുമായ വീടുകളിലാണിവ. വീടുകൾ കൂട്ട കൊള്ളയടിക്കാനായി എത്തിയ കൊള്ള സംഘമാണ് കവർച്ച ശ്രമം നടത്തിയതെന്നാണ് നാട്ടുകാർ പറയുന്നത്. നാട്ടുകാരുടെ പരാതിയനുസരിച്ച് തേഞ്ഞിപ്പലം പൊലീസ് സ്ഥലത്തെത്തി പരിശോധന നടത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.