കൊല്ലം: അർബുദബാധിതയായ മാതാവിനെ കാണാൻ നാട്ടിലെത്തിയ പി.ഡി.പി ചെയർമാൻ അബ്ദുന്നാസിർ മഅ്ദനി ബുധനാഴ്ച ബംഗളൂരുവിലേക്ക് തിരിക്കുമെന്ന് പാർട്ടി ഉപാധ്യക്ഷൻ പൂന്തുറ സിറാജ് വാർത്തസമ്മേളനത്തിൽ അറിയിച്ചു. ഗുരുതരാവസ്ഥയിൽ കഴിയുന്ന മാതാവിനെ കാണാൻ ബംഗളൂരു എൻ.ഐ.എ കോടതി ഇൗ മാസം മൂന്ന് മുതൽ പതിനൊന്നു വരെയാണ് മഅ്ദനിക്ക് സന്ദർശനാനുമതി നൽകിയിരുന്നത്. തെരഞ്ഞെടുപ്പ് സമയമായതിനാൽ നേരേത്ത തിരികെ എത്തണമെന്ന് കർണാടക പൊലീസ് ആവശ്യപ്പെടുകയായിരുന്നു. ആറ് പൊലീസുകാരെയാണ് മഅ്ദനിയുടെ സുരക്ഷക്കായി കർണാടക പൊലീസ് കേരളത്തിലേക്ക് വിട്ടത്. ഇൗ ആറ് പൊലീസുകാർ തിരികെ ചെന്നില്ലെങ്കിൽ കർണാടകയിൽ തെരെഞ്ഞടുപ്പ് നടക്കില്ലെന്ന രൂപത്തിലാണ് ഉന്നത പൊലീസ് അധികൃതരുടെ നിലപാട്. 11വരെ കേരളത്തിൽ തുടരാമെന്നിരിക്കെ നേരേത്ത തിരികെയെത്താൻ ആവശ്യപ്പെട്ടത് കടുത്ത നീതിനിേഷധമാണെന്നും അദ്ദേഹം പറഞ്ഞു. ബുധനാഴ്ച ഉച്ചക്ക് രണ്ടിന് അൻവാർശേരിയിൽ നടക്കുന്ന പ്രത്യേക പ്രാർഥനക്ക് ശേഷം റോഡ് മാർഗം അദ്ദേഹം നെടുമ്പാശ്ശേരി വിമാനത്താവളത്തിലെത്തും. രാത്രി പത്ത് മണിക്ക് ശേഷമുള്ള എയർ ഏഷ്യ വിമാനത്തിൽ ബംഗളൂരുവിലേക്ക് തിരിക്കുമെന്നും നേതാക്കൾ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.