കണ്ണൂർ ജില്ലയിലും മാഹിയിലും ഇന്ന് ഹർത്താൽ മാഹി: മാഹി നഗരസഭ മുൻ കൗൺസിലറും സി.പി.എം പള്ളൂർ ലോക്കൽ കമ്മിറ്റിയംഗവുമായ കണ്ണിപ്പൊയിൽ ബാബുവിനെ വെട്ടിക്കൊന്നു. തിങ്കളാഴ്ച രാത്രിയാണ് സംഭവം. വീട്ടിലേക്കുള്ള യാത്രാമധ്യേ ഒളിഞ്ഞിരുന്ന സംഘം സബ്സ്റ്റേഷൻ റോഡിൽവെച്ച് വെട്ടിക്കൊല്ലുകയായിരുന്നു. തലശ്ശേരി-മാഹി ബൈപാസ് കർമസമിതിയുടെ മാഹിയിലെ നേതാവും കെട്ടിട നിർമാണ കരാറുകാരനുമായിരുന്നു ബാബു. മൃതദേഹം തലശ്ശേരി ഇന്ദിര ഗാന്ധി സഹകരണ ആശുപത്രിയിൽ. മേഖലയിൽ സമാധാനാന്തരീക്ഷം നിലനിൽക്കെയാണ് പ്രകോപനമില്ലാതെ പ്രമുഖ നേതാവിനെ ആർ.എസ്.എസ് വെട്ടിക്കൊന്നതെന്ന് സി.പി.എം ആരോപിച്ചു. സംഭവത്തിൽ പ്രതിഷേധിച്ച് കണ്ണൂർ ജില്ലയിലും മാഹിയിലും ഇന്ന് ഹർത്താലിന് സി.പി.എം ആഹ്വാനംെചയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.