മധുവിെൻറ കൊലപാതകം: അന്വേഷണവിവരം പ്രധാനമന്ത്രിയെ അറിയിക്കും -സുരേഷ് ഗോപി അഗളി: ആദിവാസി യുവാവ് മധുവിെൻറ കൊലപാതകത്തിലെ അന്വേഷണ പുരോഗതി പ്രധാനമന്ത്രി നരേന്ദ്രമോദിയെ ധരിപ്പിക്കുമെന്ന് സുരേഷ് ഗോപി എം.പി. ഞായറാഴ്ച രാവിലെ മുക്കാലി ചിണ്ടക്കി ഊരിലെ മധുവിെൻറ വീട്ടിലെത്തി മാതാവ് മല്ലിയെയും സഹോദരിമാരെയും ആശ്വസിപ്പിച്ചശേഷം സംസാരിക്കുകയായിരുന്നു അദ്ദേഹം. പൊലീസ് അന്വേഷണത്തിൽ ആശങ്കയുണ്ടെന്ന് കുടുംബാംഗങ്ങൾ എം.പിയെ അറിയിച്ചു. ആശങ്ക പ്രധാനമന്ത്രിയുടെ ശ്രദ്ധയിൽപെടുത്തുമെന്ന് സുരേഷ് ഗോപി പറഞ്ഞു. മുക്കാലിയിൽ വിവിധ ആദിവാസി സംഘടനനേതാക്കളുമായും അദ്ദേഹം കൂടിക്കാഴ്ച നടത്തി. ബി.ജെ.പി ജില്ല പ്രസിഡൻറ് ഇ. കൃഷ്ണദാസ്, ജനറൽ സെക്രട്ടറി മനോജ്, എ. സുകുമാരൻ, ജയകുമാർ എന്നിവർ ഒപ്പമുണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.