നിലമ്പൂര്: ട്രാഫിക് സിഗ്നലിൽ കാത്തുകിടന്ന വാഹനങ്ങള്ക്ക് പിറകില് ബസിടിച്ച് നിലമ്പൂരിൽ അപകട പരമ്പര. നിലമ്പൂർ താഴെ ചന്തക്കുന്ന് ജങ്ഷനിലാണ് അപകടം. കാളികാവ് റോഡില്നിന്നുള്ള വാഹനങ്ങള് കടന്നുപോകാൻ വേണ്ടി പ്രധാന റോഡായ കെ.എൻ.ജി റോഡിലെ വാഹനങ്ങൾ സിഗ്നലിൽ നിർത്തിയിട്ടിരുന്നു. ഈസമയം ചന്തക്കുന്ന് ബസ്സ്റ്റാൻഡിൽനിന്ന് പട്ടാമ്പിയിലേക്കുള്ള സ്വകാര്യ കെ.ടി. ഡീലക്സ് ബസ് മുമ്പില് നിര്ത്തിയിട്ടിരുന്ന കാറിലും സ്കൂട്ടറിലും ഇടിക്കുകയായിരുന്നു. ഈ വാഹനങ്ങൾ നിർത്തിയിട്ട മറ്റ് വാഹനങ്ങളിലുമിടിച്ചു. രണ്ട് ബസുകള്ക്ക് പുറമെ രണ്ട് സ്കൂട്ടറുകൾ, രണ്ട് കാറുകൾ, രണ്ട് ഓട്ടോറിക്ഷകള് എന്നിവയും തമ്മിലിടിച്ചു. സ്കൂട്ടറിലുണ്ടായിരുന്ന പോത്തുകൽ ഭൂദാനം സ്വദേശി പോത്താല വീട്ടില് അബ്ദുറഹ്മാന് (25) പരിക്കേറ്റു. ഇദ്ദേഹത്തെ കോഴിക്കോട് മെഡിക്കല് കോളജ് ആശുപത്രിയിൽ പ്രവേശിപ്പിച്ചു. മറ്റുള്ളവർക്ക് നിസ്സാര പരിക്കേറ്റു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.