എടക്കര: നോമ്പുതുറ സമയത്തെ വൈദ്യുതി മുടക്കവും വോള്ട്ടേജ് ക്ഷാമവും മൂലം കെ.എസ്.ഇ.ബി പോത്തുകല് സെക്ഷന് കീഴിലെ ഉപഭോക്താക്കള് ദുരിതത്തില്. ഒരു മാസത്തോളമായി സെക്ഷന് പരിധിയിലെ കോടാലിപ്പൊയില്, ചന്തക്കുന്ന്, ചെമ്പന്കൊല്ലി പ്രദേശങ്ങളിലാണ് വൈദ്യുതി മുടക്കവും വോള്ട്ടേജ് ക്ഷാമവും മൂലം നാട്ടുകാര് ദുരിതത്തിലായത്. സെക്ഷന് കീഴിലെ ഈ പ്രദേശങ്ങളില് നോമ്പുതുറ സമയങ്ങളിലാണ് നിത്യേനയെന്നോണം വൈദ്യുതി മുടങ്ങുന്നത്. അര മണിക്കൂറിലേറെ നീളുന്നതാണ് ഓരോ മുടക്കവും. പ്രഖ്യാപിത പവർക്കട്ടിന് കാരണമെന്താണെന്ന് വ്യക്തമല്ല. ഇതിന് പുറമെ വോള്ട്ടേജ് ക്ഷാമവും ജനങ്ങളെ ദുരിതത്തിലാക്കുന്നുണ്ട്. പകല് സമയങ്ങളില് ഗാര്ഹിക ഉപകരണങ്ങള്പോലും പ്രവര്ത്തിപ്പിക്കാന് കഴിയുന്നില്ലെന്നും പരാതിയുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.