വണ്ടൂർ: അഴിമതിയാരോപണം നേരിടുന്ന പഞ്ചായത്ത് പ്രസിഡൻറിനെ പുറത്താക്കണമെന്നാവശ്യപ്പെട്ട് ഡി.വൈ.എഫ്.ഐ ഗ്രാമപഞ്ചായത്ത് ഒാഫിസിലേക്ക് മാർച്ച് നടത്തി. എസ്.ഐ പി. ചന്ദ്രെൻറ നേതൃത്വത്തിൽ മാർച്ച് പൊലീസ് തടഞ്ഞു. സി.പി.എം ഏരിയ കമ്മിറ്റി അംഗം അനിൽ നിരവിൽ മാർച്ച് ഉദ്ഘാടനം ചെയ്തു. പ്രസിഡൻറിനെ പുറത്താക്കി അഴിമതി ഭരണം അവസാനിപ്പിക്കുക, വാണിയമ്പലത്തെ ഓട്ടോ തൊഴിലാളികളുടെ പ്രശ്നത്തിന് പരിഹാരം കാണുക തുടങ്ങിയ മുദ്രാവാക്യങ്ങളുയർത്തിയായിരുന്നു മാർച്ച്. മേഖല സെക്രട്ടറി പി.കെ. ജിതിൻ അധ്യക്ഷത വഹിച്ചു. ജില്ല സെക്രേട്ടറിയറ്റ് അംഗം വി. അർജുൻ, ബ്ലോക്ക് സെക്രട്ടറി എ.പി. ഫിറോസ്, ബ്ലോക്ക് സെക്രേട്ടറിയറ്റ് അംഗം ടി. പ്രവീൺ, വാണിയമ്പലം മേഖല സെക്രട്ടറി ഒ. നൗഷാദ്, പ്രസിഡൻറ് എ.കെ. ഷാജു, മേഖല പ്രസിഡൻറ് കെ. ലിഖിൻ, പഞ്ചായത്ത് അംഗം പി. സതീശൻ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.