ഏലംകുളം: തൊഴിലുറപ്പ് പദ്ധതിയിൽ 150, 100 തൊഴിൽദിനങ്ങൾ പൂർത്തിയാക്കിയ 99 തൊഴിലാളികളെ ഏലംകുളം ഗ്രാമപഞ്ചായത്ത് ആദരിച്ചു. വിവിധ രോഗാധിക്യം മൂലം കഴിയുന്ന പഞ്ചായത്തിലെ 'പരിരക്ഷ' കുടുംബങ്ങളിലെ വിദ്യാർഥികൾക്കുള്ള പഠന കിറ്റ് വിതരണം, എസ്.എസ്.എൽ.സി-പ്ലസ്ടു പരീക്ഷകളിൽ മുഴുവൻ വിഷയങ്ങളിലും എ പ്ലസ്, എൽ.എസ്.എസ്, യു.എസ്.എസ് പരീക്ഷയിൽ വിജയം നേടിയ വിദ്യാർഥികളെ അനുമോദിക്കലും നടത്തി. പ്രസിഡൻറ് കെ. ആയിഷ ഉദ്ഘാടനം ചെയ്തു. കോഓപ്പറേറ്റിവ് ബാങ്ക് ഓഡിറ്റോറിയത്തിൽ നടന്ന യോഗത്തിൽ വൈസ് പ്രസിഡൻറ് എം.വി. സുഭദ്ര അധ്യക്ഷത വഹിച്ചു. സ്ഥിരംസമിതി ചെയർമാൻമാരായ ഷീബ, ടി.പി. അനിൽ, രമ്യ, വാർഡ് അംഗം കെ.ടി. ഗോവിന്ദ പ്രസാദ്, എം.ആർ. മനോജ്, നാലകത്ത് ഷൗക്കത്ത്, പി.കെ. കേശവൻ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.