തേഞ്ഞിപ്പലം: ആർത്തലച്ച് പെയ്ത മഴയോടൊപ്പം മണ്ണിടിഞ്ഞതോടെ ഷാഫിക്ക് നഷ്ടമായത് ജീവിതമാർഗം. ഒരു നിമിഷംകൊണ്ട് പ്രകൃതി തകർത്തെറിഞ്ഞത് ഇേദ്ദഹത്തിെൻറ 20 കന്നുകാലികളെയാണ്. മിണ്ടാപ്രാണികളായ കന്നുകാലികളുടെ മേൽ പതിച്ച പാറക്കല്ലുകളും മണ്ണും നാട്ടുകാരുടെ നേതൃത്വത്തിൽ നീക്കിയപ്പോൾ കണ്ടത് ഹൃദയം പൊട്ടുന്ന കാഴ്ചയായിരുന്നു. ചെറുപ്പം മുതലേ കന്നുകാലി വളർത്തലും വിൽപനയും നടത്തുന്ന ഷാഫിക്ക് സംഭവിച്ച ലക്ഷക്കണക്കിന് രൂപയുടെ നഷ്ടം നികത്താനാവുന്നതിനപ്പുറമാണ്. കച്ചവടത്തിൽ വളർച്ചയും തളർച്ചയും ഷാഫി നേരിടാറുണ്ടെങ്കിലും കൂട്ടത്തോടെ കാലികൾ ചത്തൊടുങ്ങിയുണ്ടാവുന്ന നഷ്ടം ആദ്യമാണ്. ഒരു ലക്ഷം രൂപ വില വരുന്ന പോത്തും ചത്തൊടുങ്ങിയവയിൽപ്പെടും. ബലിപെരുന്നാളിനായി വിൽപനക്കുള്ള കന്നുകാലികളായിരുന്നു ഏറെയും നഷ്ടപ്പെട്ടത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.