ബസ്​ ജീവനക്കാരനെ യാത്രക്കാരൻ കുത്തി പരിക്കേൽപ്പിച്ചു

മണ്ണാർക്കാട്: സ്വകാര്യ . എടത്തനാട്ടുകര സ്വദേശി ഫവാസിനാണ് (24) യാത്രക്കാര​െൻറ അക്രമത്തിൽ മുഖത്ത് പരിക്കേറ്റത്. ഇയാളെ മണ്ണാർക്കാട്ടെ സ്വകാര്യ ആശുപത്രിയിൽ പ്രവേശിപ്പിച്ചു. യാത്രക്കാരനായ പട്ടാമ്പി കൊപ്പം സ്വദേശി പുഷ്പരാജിനെ പൊലീസിൽ ഏൽപ്പിച്ചു. ബുധനാഴ്ച ഉച്ചക്ക് 1.45ഓടെ അരിയൂർ വേങ്ങയിലാണ് സംഭവം. പാലക്കയത്തുനിന്ന് എടത്തനാട്ടുകരയിലേക്ക് വന്ന പി.ടി.ബി ബസിലാണ് അക്രമമുണ്ടായത്. ബസ് നിരക്കുമായി ബന്ധപ്പെട്ട തർക്കമാണ് പ്രശ്നത്തിന് കാരണം. പുഷ്പരാജ് ബസിൽനിന്ന് ഇറങ്ങി ഓടിയെങ്കിലും യാത്രക്കാരും നാട്ടുകാരും ബസ് ജീവനക്കാരും ചേർന്ന് പിടികൂടുകയായിരുന്നു.