കല്പകഞ്ചേരി: ഇൻറർനെറ്റ് കാള് വഴി സ്ത്രീകളെ ശല്യം ചെയ്ത പ്രവാസിയെ കല്പകഞ്ചേരി പൊലീസ് അറസ്റ്റ് ചെയ്തു. ചേലേമ്പ്ര സ്വദേശി മനോജ് കുമാറിനെയാണ് എസ്.ഐ നിപുണ് ശങ്കറിെൻറ നേതൃത്വത്തിലുള്ള സംഘം അറസ്റ്റ് ചെയ്തത്. കല്പകഞ്ചേരിയിലെ ഭര്തൃമതിയായ സ്ത്രീയെ ഗള്ഫില്നിന്ന് നെറ്റ് കാള് വഴി ശല്യം ചെയ്തതിനെ തുടര്ന്ന് ഗള്ഫിലുള്ള ഇവരുടെ ഭര്ത്താവ് മലപ്പുറം ജില്ല പൊലീസ് മേധാവി പ്രദീഷ് കുമാറിന് ഇ-മെയില് മുഖേന നല്കിയ പരാതിയിലാണ് അറസ്റ്റ്. പ്രതിയെ നാട്ടിലെത്തിച്ച് തിങ്കളാഴ്ച വൈകീട്ടാണ് അറസ്റ്റ് ചെയ്തത്. വിശദ അന്വേഷണത്തില് നിരവധി സ്ത്രീകളെ ഇയാള് ഇത്തരത്തില് വിളിച്ചതായി കണ്ടെത്തി. ഗള്ഫില്നിന്ന് കളഞ്ഞ് കിട്ടിയ സിം കാര്ഡ് ഉപയോഗിച്ചാണ് വിളിച്ചിരുന്നത്. പിടിക്കപ്പെടുകയില്ലെന്ന് കരുതി അസഭ്യവാക്കുകളും വെല്ലുവിളികളും നടത്തിയിരുന്നു. പ്രതിയുടെ അടുത്ത ബന്ധുവിനെയും വിളിച്ചിരുന്നതായി പൊലീസ് പറഞ്ഞു. പിടികൂടിയ സംഘത്തില് എസ്.ഐക്കൊപ്പം സി.പി.ഒമാരായ ഹസ്സന്, പ്രജീഷ് എന്നിവരുമുണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.