എടക്കര: റോഡരികില് കൂട്ടിയിട്ട പ്ലാസ്റ്റിക് മാലിന്യങ്ങള് നീക്കം ചെയ്യാത്തത് ജനങ്ങള്ക്ക് ദുരിതമാകുന്നു. വഴിക്കടവ് പഞ്ചായത്തിലെ വിവിധ ഭാഗങ്ങളിലാണ് അന്തര് സംസ്ഥാന പാതയോരങ്ങളിലും ഗ്രാമീണ റോഡരികുകളിലും മാലിന്യച്ചാക്കുകള് കുന്നുകൂടി കിടക്കുന്നത്. പഞ്ചായത്ത് നടപ്പാക്കിയ ക്ലീന് വഴിക്കടവ് പദ്ധതിയുടെ ഭാഗമായി അധികൃതരുടെ നിര്ദേശ പ്രകാരമാണ് പ്ലാസ്റ്റിക് മാലിന്യങ്ങളും കുപ്പി, ചില്ല് ഉൾപ്പെടെ ചാക്കിലാക്കി റോഡരികില് തള്ളിയത്. എന്നാല്, മാസങ്ങള് കഴിഞ്ഞിട്ടും ഇവ കൊണ്ടുപോകാന് അധികൃതര്ക്കായിട്ടില്ല. ചാക്കുകളില് മഴവെള്ളം കെട്ടിക്കിടന്ന് കൊതുകുകള് പെരുകുന്നതും മറ്റും ആരോഗ്യ ഭീഷണിയുയര്ത്തുന്നു. മാലിന്യങ്ങള് നീക്കാൻ നടപടി സ്വീകരിക്കണമെന്ന് വിവിധ രാഷ്ട്രീയ പാര്ട്ടികളും സന്നദ്ധ സംഘടനകളും ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.