മുംബൈ: മകളെ ബലാത്സംഗം ചെയ്യുമെന്ന് കോൺഗ്രസ് വക്താവ് പ്രിയങ്ക ചതുർവേദിയെ ട്വിറ്ററിൽ ഭീഷണിപ്പെടുത്തിയ ആൾ ഗുജറാത്തിൽ അറസ്റ്റിൽ. ഗിരീഷ് മഹേശ്വരി (36) എന്നയാളാണ് ബുധനാഴ്ച രാത്രി അഹ്മദാബാദിനടുത്തുള്ള ബാവ്ലയിൽ പിടിയിലായത്. ഡൽഹി, മുംബൈ പൊലീസ് സംയുക്തമായാണ് പ്രതിയെ പിടിച്ചത്. വെള്ളിയാഴ്ച മുംബൈ കോടതിയിൽ ഹാജരാക്കും. 'ഗിരിഷ്കെ 1605' എന്ന ട്വിറ്റർ വിലാസക്കാരൻ 10 വയസ്സുകാരിയായ മകളെ ബാലാത്സംഗം ചെയ്യുമെന്ന് ഭീഷണി സന്ദേശം അയച്ചതായി തിങ്കളാഴ്ചയാണ് പ്രിയങ്ക ചതുർവേദി മുംബൈ പൊലീസിന് പരാതി നൽകിയത്. കേന്ദ്ര ആഭ്യന്തര മന്ത്രാലയവും ഇടപെട്ടതോടെ ഡൽഹി, മുംബൈ പൊലീസ് അന്വേഷണം ഉൗർജിതമാക്കുകയായിരുന്നു. പോക്സോ, െഎ.പി.സി, െഎ.ടി നിയമപ്രകാരമാണ് പൊലീസ് കേസെടുത്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.