കാമ്പസ് ഫ്രണ്ട് സഖ്യം: വ്യാജ പ്രചാരണമെന്ന് എസ്.എഫ്.ഐ

മലപ്പുറം: രാമപുരം ജെംസ് കോളജിൽ കഴിഞ്ഞ വർഷം അധികാരത്തിൽ വന്ന കോളജ് യൂനിയനുമായി ബന്ധപ്പെട്ട് വസ്തുത വിരുദ്ധമായ വാർത്തകളാണ് സമൂഹ മാധ്യമങ്ങളിലൂടെ പ്രചരിപ്പിക്കുന്നതെന്ന് എസ്.എഫ്.ഐ ജില്ല സെക്രട്ടറി കെ.എ. സക്കീറും പ്രസിഡൻറ് ഇ. അഫ്സലും പ്രസ്താവനയിൽ പറഞ്ഞു. മങ്കട ഏരിയ കമ്മിറ്റിയുടെയോ ജില്ല കമ്മിറ്റിയുടെയോ അറിവോടെ ആയിരുന്നില്ല കാമ്പസ് ഫ്രണ്ടി​െൻറ പിന്തുണ സ്വീകരിച്ചത്. കോളജ് യൂനിറ്റ് കമ്മിറ്റിയിലെ ചില അംഗങ്ങൾ മാത്രമായി എടുത്ത തീരുമാനമായിരുന്നു. യൂനിറ്റ് കമ്മിറ്റി തൊട്ടടുത്ത ദിവസം യോഗം ചേർന്ന് പിരിച്ചു വിട്ടിരുന്നുവെന്നും ജില്ല ഭാരവാഹികൾ വ്യക്തമാക്കി.