കാളികാവ്: ടാറിങ് നടന്ന് രണ്ടുമാസം തികയും മുമ്പേ റോഡ് തകര്ന്നു. ചോക്കാട് പഞ്ചായത്തിലെ നാല്പത് സെൻറ്-കെട്ടുങ്ങല് റോഡാണ് തകര്ന്നത്. റോഡ് നിര്മാണത്തിലെ അപാകതയാണ് തകർച്ചക്ക് കാരണമായി പറയുന്നത്. എം.എല്.എയുടെ ആസ്ഥിവികസന ഫണ്ടില്നിന്ന് 25 ലക്ഷം രൂപ ചെലവഴിച്ചാണ് റോഡ് നിര്മാണം പൂര്ത്തീകരിച്ചത്. ടാറിങിന് പുറമേ റോഡിെൻറ വശങ്ങളിൽ കോണ്ക്രീറ്റ് പ്രവൃത്തിയും നടത്തിയിട്ടുണ്ട്. കൂടാതെ ഗ്രാമപഞ്ചായത്ത് ഫണ്ടില്നിന്ന് ലക്ഷങ്ങള് ചെലവഴിച്ച് ഏതാനും മീറ്റര് ടാറിങും നടത്തിയിരുന്നു. ഇതും പൂര്ണമായി തകര്ന്നിട്ടുണ്ട്. റോഡ് നിര്മാണത്തിലെ അഴിമതി കാരണമാണ് ഉദ്ഘാടനം കഴിഞ്ഞ് മാസങ്ങള്ക്കുള്ളില് റോഡ് തകരാൻ കാരണമെന്ന് നാട്ടുകാര് പറയുന്നു. വലിയ ലോറികളില് അമിത ലോഡുകളായി ഇതുവഴി പോവുന്നതും റോഡ് തകര്ച്ചക്ക് കാരണമായതായി പ്രദേശവാസികള് പറയുന്നു. റോഡ് നിര്മാണത്തില് അഴിമതി നടത്തിയവര്ക്കെതിരെയും റോഡ് തകര്ച്ചക്ക് കാരണക്കാരനായവര്ക്കെതിരെയും നടപടിയെടുക്കണമെന്ന് നാട്ടുകാർ ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.