വാളയാർ: ജില്ലയിൽ വിവിധയിടങ്ങളിൽ എക്സൈസ് സംഘം നടത്തിയ പരിശോധനയിൽ 2.8 കിലോ കഞ്ചാവ് പിടികൂടി. സംഭവങ്ങളിൽ അഞ്ചുപേർ പിടിയിലായി. തമിഴ്നാട് ആർ.ടി.സി ബസുകളിൽ കഞ്ചാവ് കടത്തവെ വാളയാർ ടോൾ പ്ലാസയിൽ നാലുപേർ പിടിയിലായി. തൃത്താല എക്സൈസ് സംഘമാണ് പരിശോധന നടത്തിയത്. 1.5 കിലോ കഞ്ചാവുമായി ചേർത്തല സ്വദേശികളായ കൊല്ലാരിതാഴത്ത് ജിജോ ജോജി (24), ചേർത്തല ശ്രീദേവ് (22) എന്നിവരാണ് ആദ്യം പിടിയിലായത്. തൊട്ടുപിന്നാലെ മറ്റൊരു ബസിൽ കഞ്ചാവുമായെത്തിയ കോയമ്പത്തൂർ ചെന്നിപാളയം സ്വദേശി സുധീഷ് (20), തേനി ഗൗഡമ്മൻ പാളയം സ്വദേശി ദിനേശ് (23) എന്നിവരും പിടിയിലായി. ഇവരുടെ പക്കൽനിന്ന് 1.1 കിലോ കഞ്ചാവ് പിടിച്ചെടുത്തു. പറളിയിൽ പാലക്കാട് എക്സൈസ് നടത്തിയ പരിശോധനയിൽ 250 ഗ്രാം കഞ്ചാവ് പിടികൂടി. സംഭവത്തിൽ എറണാകുളം സ്വദേശി രാജേഷ് (36) പിടിയിലായി. പറളി എക്സൈസ് ഇൻസ്പെക്ടർ സി.പി. മധുവിെൻറ നേതൃത്വത്തിലുള്ള സംഘമാണ് ഇയാളെ പിടികൂടിയത്. തൃത്താല എക്സൈസ് ഇൻസ്പെക്ടർ പ്രശോഭ്, പ്രിവൻറിവ് ഓഫിസർമാരായ ഷാനവാസ്, സിവിൽ എക്സൈസ് ഓഫിസർമാരായ ദേവകുമാർ, രാജേഷ്, എസ്. രാജേഷ് എന്നിവരാണ് സംഘത്തിലുണ്ടായിരുന്നത്. photo: pl3 .............
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.