പാലക്കാട്: സംസ്ഥാന സർക്കാർ നടപ്പാക്കുന്ന ലൈഫ് മിഷൻ പദ്ധതി ബി.ജെ.പി ഭരണസമിതി അട്ടിമറിക്കുന്നുവെന്നാരോപിച്ച് സി.പി.എം മുനിസിപ്പൽ ലോക്കൽ കമ്മിറ്റികളുടെ നേതൃത്വത്തിൽ നടത്തുന്ന അനിശ്ചിതകാല നിരാഹാരം തുടങ്ങി. സമരം സി.പി.എം ജില്ല സെക്രട്ടറി സി.കെ. രാജേന്ദ്രൻ ഉദ്ഘാടനം ചെയ്തു. സി.പി.എം പാലക്കാട് ഏരിയ സെക്രട്ടറി കെ. വിജയൻ അധ്യക്ഷത വഹിച്ചു. കെ.കെ. ദിവാകരൻ, എം. നാരായണൻ എന്നിവർ സംസാരിച്ചു. ടി.കെ. നൗഷാദ് സ്വാഗതവും വി. സുരേഷ് നന്ദിയും പറഞ്ഞു. പട്ടിക അംഗീകരിക്കുന്നതുവരെ നഗരസഭക്ക് മുന്നിൽ സമരം തുടരുമെന്ന് നേതാക്കൾ അറിയിച്ചു. കൗൺസിലർ അബ്ദുൽ ഷുക്കൂറാണ് നിരാഹാരമിരിക്കുന്നത്. പദ്ധതിയുടെ ഗുണഭോക്തൃ പട്ടിക ഡിസംബർ 31ന് അംഗീകരിക്കണമെന്ന സംസ്ഥാന സർക്കാരിെൻറ തീരുമാനം പാലക്കാട് നഗരസഭ അട്ടിമറിക്കുകയാണെന്ന് സി.പി.എം ആരോപിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.