പൊന്നാനി: സ്കൂൾ വിദ്യാർഥികളെ കേന്ദ്രീകരിച്ച് കഞ്ചാവ് വിതരണം ചെയ്യുന്ന യുവാവിനെ പൊന്നാനി പൊലീസും കോസ്റ്റൽ പൊലീസും ചേർന്ന് പിടികൂടി. കഞ്ചാവ് വിതരണക്കാരനായ വെളിയങ്കോട് മാട്ടുമ്മൽ സ്വദേശി അയിനിക്കൽ സമീറിനെയാണ് (29) പൊലീസ് പിടികൂടിയത്. തിരൂർ കൂട്ടായി സ്വദേശിക്ക് കഞ്ചാവ് വിൽക്കുന്നതിനിടെ പിടികൂടാനായി എത്തിയ പൊലീസിനെ കബളിപ്പിച്ച് സമീർ കഴിഞ്ഞദിവസം രക്ഷപ്പെട്ടിരുന്നു. ഇതിനിടെ ലഹരിക്കെതിരെ പൊലീസിെൻറ നേതൃത്വത്തിൽ മാട്ടുമ്മൽ പ്രദേശത്തെ വീട്ടമ്മമാരും പൊതുപ്രവർത്തകരും ചേർന്ന് കൂട്ടായ്മ രൂപവത്കരിച്ച് പ്രവർത്തനമാരംഭിച്ചിരുന്നു. ഇവർ നൽകിയ രഹസ്യവിവരത്തിെൻറ അടിസ്ഥാനത്തിൽ നടത്തിയ അന്വേഷണത്തിലാണ് കുട്ടികൾക്ക് കഞ്ചാവ് നൽകുന്നതിനിടെ ഇയാൾ വലയിലായത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.