പുലാമന്തോൾ: സ്കൂളുകളിലെ പ്ലാസ്റ്റിക് നിർമാർജനത്തിെൻറ ഭാഗമായി ഹരിതവിദ്യാലയം പദ്ധതിയിലുൾപ്പെടുത്തി പുലാമന്തോൾ ഗ്രാമപഞ്ചായത്തിൽ സ്കൂളുകളിൽ തുടക്കമായ ഉച്ചഭക്ഷണത്തിനുള്ള സ്റ്റീൽ പാത്രങ്ങളുടെ വിതരണം കട്ടുപ്പാറ ചേലക്കാട് എ.എം.യു.പി സ്കൂളിൽ നടന്നു. ശുചിത്വമിഷെൻറ നേതൃത്വത്തിൽ പ്ലാസ്റ്റിക് നിർമാർജനത്തിെൻറ ഭാഗമായി പഞ്ചായത്തിലെ എല്ലാ സ്കൂളുകളിലും നാലാം ക്ലാസുവരെയുള്ള കുട്ടികൾക്കാണ് ഒന്നാംഘട്ടത്തിൽ പാത്രങ്ങൾ വിതരണം ചെയ്യുന്നത്. പരിപാടി പുലാമന്തോൾ ഗ്രാമപഞ്ചായത്ത് സ്റ്റാൻഡിങ് കമ്മിറ്റി ചെയർമാൻ ഇ. രാജേഷ് ഉദ്ഘാടനം ചെയ്തു. പി.ടി.എ പ്രസിഡൻറ് ഇ.കെ. അബ്ദുൽ ഗഫൂർ അധ്യക്ഷത വഹിച്ചു. വാർഡ് മെംബർമാരായ കെ.പി. ഇഖ്ബാൽ, ഖൈറുന്നീസ, സൈഫുന്നീസ എന്നിവർ സംസാരിച്ചു. നൂർ ഹാജി കണ്ടപ്പത്ത്, സൈത് മാസ്റ്റർ, ഗംഗാധരൻ, ഇ.കെ. മുഹമ്മദലി എന്നിവർ സംബന്ധിച്ചു. പ്രധാനാധ്യാപകൻ ഉണ്ണികൃഷ്ണൻ സ്വാഗതവും രഘുനാഥൻ മാസ്റ്റർ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.