എടപ്പാൾ: ഇരുനിറക്കാരായ ഇതരസംസ്ഥാന യുവതികള്ക്കൊപ്പം വെളുത്ത കുട്ടിയെ കണ്ട നാട്ടുകാരിൽ ചിലര്ക്ക് സംശയം. തട്ടിക്കൊണ്ടുവന്നതാകുമോ..? സംശയം ശക്തമായതോടെ യുവതികളെ തടഞ്ഞു. സ്ഥലത്തെത്തിയ ഹോംഗാര്ഡ് സ്ത്രീകളെ തിരിച്ചറിഞ്ഞതോടെ കഥ പൊളിഞ്ഞു. എടപ്പാൾ ജങ്നിലെ പൊന്നാനി റോഡിൽ ബുധനാഴ്ച രാവിലെ 11.30നാണ് സംഭവം. ഇരുനിറക്കാരായ രണ്ട് ഇതരസംസ്ഥാന യുവതികൾക്കൊപ്പമാണ് കുട്ടിയെ കണ്ടത്. കുട്ടിയുമായി ഇവര്ക്ക് രൂപസാദൃശ്യമില്ലെന്നും തട്ടിക്കൊണ്ടുവന്നതായിരിക്കുമെന്നും ചിലര് പറഞ്ഞതോടെ ഒരുവിഭാഗം നാട്ടുകാര് ഇവരെ തടഞ്ഞുവെക്കുകയായിരുന്നു. അപ്പോഴാണ് ജങ്ഷനില് ഡ്യൂട്ടിയിലുള്ള ഹോം ഗാര്ഡ് ചന്ദ്രനെത്തി, മാസങ്ങളായി ഇവരെ ഈ കുട്ടിയോടൊപ്പം എടപ്പാളില്നിന്ന് കാണാറുള്ള വിവരം അറിയിച്ചത്. മറ്റ് ചിലരും ഇവരെ അറിയാമെന്ന് പറഞ്ഞു. ഇതോടെയാണ് ഇതരസംസ്ഥാന യുവതികള്ക്ക് ജനക്കൂട്ടത്തില്നിന്ന് പുറത്ത് കടക്കാനായത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.