പാലക്കാട്: കോയമ്പത്തൂരിൽനിന്ന് മലപ്പുറത്തേക്ക് കാറിൽ കടത്തുകയായിരുന്ന 74 ലക്ഷം രൂപയുടെ കുഴൽപണവുമായി മലപ്പുറം തിരൂരങ്ങാടി സ്വദേശി പാലക്കാട് ടൗൺ നോർത്ത് പൊലീസിെൻറ പിടിയിൽ. തിരൂരങ്ങാടി ഒളകര സ്വദേശി രാജേന്ദ്രനെയാണ് (37) അറസ്റ്റ് ചെയ്തത്. മാരുതി ആൾട്ടോ കാറിെൻറ ഹാൻഡ് ബ്രേക്ക് സിസ്റ്റത്തിന് താഴെ നിർമിച്ച പ്രത്യേക അറയിലാണ് 500 രൂപയുടെ നോട്ടുകെട്ടുകൾ സൂക്ഷിച്ചിരുന്നത്. പാലക്കാട് ജില്ല പൊലീസ് മേധാവി ദേബേഷ് കുമാർ ബെഹ്റക്ക് ലഭിച്ച രഹസ്യവിവരത്തിെൻറ അടിസ്ഥാനത്തിൽ ഞായറാഴ്ച രാവിലെ നടത്തിയ വാഹന പരിശോധനയിൽ സംശയം തോന്നിയ കാർ കൽമണ്ഡപത്തുനിന്ന് കസ്റ്റഡിയിലെടുത്തു. പണത്തിെൻറ ഉറവിടത്തെക്കുറിച്ചും ലക്ഷ്യസ്ഥാനത്തെക്കുറിച്ചും വിവരം ലഭിച്ചിട്ടുണ്ടെന്ന് പൊലീസ് അറിയിച്ചു. രാജേന്ദ്രനെ തിങ്കളാഴ്ച കോടതിയിൽ ഹാജരാക്കും. ടൗൺ നോർത്ത് എസ്.ഐ ആർ. രഞ്ജിത്ത്, വി.കെ. കമറുദ്ദീൻ, സ്പെഷൽ ബ്രാഞ്ച് ഉദ്യോഗസ്ഥൻ രമേശ്, സി.പി.ഒമാരായ കെ. ജിനപ്രസാദ്, വി. പ്രദീപ് കുമാർ, ബി. പ്രഭു, എസ്. സജീന്ദ്രൻ, ഡ്രൈവർ എസ്.സി.പി.ഒ സി. രതീഷ് എന്നിവരടങ്ങിയ സംഘമാണ് കുഴൽപണം പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.