ഊർങ്ങാട്ടിരി: ആദാടി പൂളക്കടവിൽ ചാലിയാറിൽ കുളിക്കാനിറങ്ങിയ രണ്ട് ബംഗാൾ സ്വദേശികളായ യുവാക്കളെ കാണാതായി. മിഹിർ ബർമെൻറ മകൻ ബപ്പി എന്ന ധനഞ്ജയ് ബർമൻ (21), അമൽ ബർമെൻറ മകൻ കാഞ്ചൻ ബർമൻ (23) എന്നിവരെയാണ് വൈകീട്ട് നാലോടുകൂടി ഒഴുക്കിൽപെട്ട് കാണാതായത്. ഇരുവരും ജോഗേന്ദ്ര നഗർ സ്വദേശികളാണ്. ഊർങ്ങാട്ടിരിയിലെ ജലനിധി പദ്ധതിയുടെ സംഭരണി നിർമാണത്തൊഴിലാളികളാണ് ഇരുവരും. ഇവരുടെകൂടെ കുളിക്കാനിറങ്ങിയ മറ്റു മൂന്ന് ബംഗാൾ സ്വദേശികൾ ഒഴുക്കിൽ പെട്ടെങ്കിലും രക്ഷപ്പെടുകയായിരുന്നു. തിരുവാലിയിൽ നിന്നെത്തിയ അഗ്നിശമന സേന വിഭാഗവും നാട്ടുകാരും തിരച്ചിൽ നടത്തിയെങ്കിലും കണ്ടെത്താനാവാതെ തിരച്ചിൽ നിർത്തുകയായിരുന്നു. തിങ്കളാഴ്ചയും തിരച്ചിൽ തുടരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.