തിരൂരങ്ങാടി: വെളിമുക്കിലെ തൊഴിൽ പരിശീലന കേന്ദ്രം കാലങ്ങളായി തുറക്കാത്തത് പഞ്ചായത്ത് ഭരണസമിതിയുടെ അഴിമതിയും അനാസ്ഥയും കൊണ്ടാണെന്ന് വെൽഫെയർ പാർട്ടി മൂന്നിയൂർ പഞ്ചായത്ത് കമ്മിറ്റി ആരോപിച്ചു. രണ്ടുവർഷം മുമ്പ് കേന്ദ്രം തുറക്കാത്ത സാഹചര്യമെന്തെന്ന് ചോദിച്ച് നൽകിയ വിവരാവകാശത്തിന് വൈദ്യുതി കണക്ഷന് കാത്തിരിക്കുകയാണെന്നായിരുന്നു മറുപടി. രണ്ടു വർഷമായിട്ടും വൈദ്യുതി കണക്ഷൻ ലഭിക്കാത്തതിന് കാരണം വ്യക്തമാക്കണം. തെറ്റിദ്ധരിപ്പിക്കുന്ന വിവരങ്ങൾ നൽകുന്ന ഭരണസമിതിക്കെതിരെ പരാതിയും സമരവും നടത്തുമെന്ന് വെൽഫെയർ പാർട്ടി വള്ളിക്കുന്ന് മണ്ഡലം പ്രസിഡൻറും സാമൂഹിക പ്രവർത്തകനുമായ മൊയ്തീൻകോയ വെളിമുക്ക് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.