നിലമ്പൂർ: മാനഹാനി വരുത്തിയെന്ന യുവതിയുടെ പരാതിയിൽ ഒരാളെ നിലമ്പൂർ പൊലീസ് അറസ്റ്റ് ചെയ്തു. എടവണ്ണ പത്തപ്പിരിയം പനനിലയത്ത് ഇർഷാദാണ് (33) അറസ്റ്റിലായത്. കാളികാവ് സ്വദേശിയായ 23കാരിയുടെ പരാതിയിലാണ് അറസ്റ്റ്. വ്യാഴാഴ്ച വൈകീട്ട് അഞ്ചോടെ നിലമ്പൂർ ജ്യോതിപടി റോഡിലൂടെ പോകുന്നതിനിടെ കാറിലെത്തിയ യുവാക്കൾ പരാതിക്കാരിയെ കാറിൽ കയറാൻ നിർബന്ധിച്ചു. കൂട്ടാക്കാതെ വന്നതോടെ കൈയിൽപിടിച്ച് ബലമായി കാറിൽ കയറ്റാൻ ശ്രമിച്ചെന്നാണ് പരാതി. കാറും യുവാക്കളെയും പൊലീസ് കസ്റ്റഡിയിലെടുത്തിരുന്നു. ഇതിൽ ഇർഷാദാണ് യുവതിയെ കാറിൽ കയറാൻ നിർബന്ധിച്ചതെന്ന് പൊലീസ് പറഞ്ഞു. നിലമ്പൂർ കോടതിയിൽ ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.