നിലമ്പൂർ-നഞ്ചൻകോട് റെയിൽവേക്കായി ബഹുജന സദസ്സ് നിലമ്പൂർ: നിലമ്പൂർ--നഞ്ചൻകോട് പാത യാഥാർഥ്യമാക്കണമെന്ന ആവശ്യവുമായി 24ന് നിലമ്പൂരിൽ ബഹുജന സദസ്സ് സംഘടിപ്പിക്കും. നിലമ്പൂർ-മൈസൂരു റെയിൽവേ കോ-ഓഡിനേഷൻ കമ്മിറ്റിയുടെ നേതൃത്വത്തിലാണ് ബഹുജന സദസ്സ്. കോ-ഓഡിനേഷൻ കമ്മിറ്റി ചെയർമാൻ മുൻ കേന്ദ്ര മന്ത്രി പി.സി. തോമസ് ഉദ്ഘാടനം ചെയ്യും. പ്രാഥമിക സർവേ നടത്തുന്നതിന് ഡി.എം.ആർ.സിക്ക് സർക്കാർ നൽകാൻ ഉത്തരവായ രണ്ട് കോടി ഉടൻ നൽകുക, ഡി.എം.ആർ.സിയെയോ, മറ്റ് അംഗീകൃത ഏജൻസികളെയോ ഏൽപ്പിച്ച് സർവേ പൂർത്തിയാക്കുക എന്നിവ ബഹുജന സദസ്സ് ആവശ്യപ്പെടും. കൂടിയാലോചന യോഗത്തിൽ കൺവീനർ ബിജു പാലത്തിങ്കൽ അധ്യക്ഷത വഹിച്ചു. പി.ജെ. സാൻറി, കെ.കെ. പ്രദീപ് കുമാർ, ബിനോയ് പാട്ടത്തിൽ, സാബു പൊൻവേലിൽ, വിൻസെൻറ് മുണ്ടേരി, വിനോദ് പി. മേനോൻ, അഡ്വ. മോഹൻ ജോർജ് എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.