കൊണ്ടോട്ടി: വര്ണാഭമായ ഘോഷയാത്രയോടെ കൊണ്ടോട്ടി ഉപജില്ലാ സ്കൂള് കലോത്സവത്തിലെ സ്റ്റേജ് മത്സരങ്ങള്ക്ക് തുടക്കമായി. കൊണ്ടോട്ടി ഗവ. വൊക്കേഷനല് ഹയര്സെക്കന്ഡറി സ്കൂളില് സ്റ്റേജിതര മത്സരങ്ങള് 27 മുതല് ആരംഭിച്ചിരുന്നു. 113 സ്കൂളുകളില് നിന്നായി 282 മത്സര ഇനങ്ങളില് 4379 വിദ്യാര്ഥികള് മേളയില് പങ്കെടുക്കുന്നുണ്ട്. കൊണ്ടോട്ടി മോയിന്കുട്ടി വൈദ്യര് ആക്കാദമി പരിസരത്ത് നിന്നാരംഭിച്ച ഘോഷയാത്രയില് സ്കൂള് വിദ്യാര്ഥികളും നഗരസഭ കൗണ്സിലര്മാരും ബ്ളോക്ക് പ്രതിനിധിയും വിവിധ ക്ളബ് പ്രവര്ത്തകരും അണിനിരന്നു. മേള കെ. മുഹമ്മദുണ്ണി ഹാജി എം.എല്.എ ഉദ്ഘാടനം ചെയ്തു. നഗരസഭ ചെയര്മാന് സി. നാടിക്കുട്ടി അധ്യക്ഷത വഹിച്ചു. ജില്ലാ പഞ്ചായത്ത് അംഗം എ.കെ. അബ്ദുറഹ്മാന്, നഗരസഭ കൗണ്സിലര്മാരായ പാറപ്പുറത്ത് അബ്ദുറഹ്മാന്, കൂനയില് നഫീസ, ചുക്കാന് ബിച്ചു, മുഹമ്മദ് റാഫി, ഹക്കീം മുണ്ടപ്പലം, മൂസ, ഇ.എം. റഷീദ്, ബ്ളോക്ക് അംഗം എം.പി. മുഹമ്മദ് എന്നിവര് സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.