പേരാമ്പ്ര: ശിവരാത്രി ആഘോഷം കഴിഞ്ഞ് രാത്രി വീട്ടിലേക്ക് വരുകയായിരുന്ന യുവ ദമ്പതികളെയും പിഞ്ചു കുഞ്ഞിനെയും മര ്ദിക്കുകയും വീട് അക്രമിച്ചതായും പരാതി. ആവള കുട്ടോത്ത് നിരയില് രാഹുല് (25), ഭാര്യ അഞ്ജന (20), മകന് റിയന് (1) എന്നിവര്ക്കു നേരെയാണ് അയല്വാസികളും ബന്ധുക്കളുമായവര് ചേര്ന്ന് അക്രമം നടത്തിയതെന്ന് ദമ്പതികള് പറഞ്ഞു. പരിക്കേറ്റ ഇവര് പേരാമ്പ്ര താലൂക്ക് ആശുപത്രിയില് ചികിത്സ തേടി. മേപ്പയൂര് പൊലീസില് പരാതി നല്കി. രാഹുല് താഴ്ന്ന ജാതിയില്നിന്ന് വിവാഹം കഴിച്ചതാണ് അക്രമങ്ങള്ക്ക് കാരണമെന്ന് അഞ്ജന പറഞ്ഞു. ജാതി പറഞ്ഞ് അധിക്ഷേപിക്കൽ പതിവാണെന്നും പറയുന്നു. ഇതിനെതിരെ പൊലീസിലും വനിതാസെല്ലിലും പരാതി നല്കിയിരുന്നു. ഇവിടെ വെച്ച് പ്രശ്നങ്ങള് പറഞ്ഞു തീര്ത്തതായിരുന്നെന്നും എന്നിട്ടും അധിക്ഷേപവും അക്രമവും തുടരുകയാണെന്നും ഇവര് പറഞ്ഞു. വീടിനുനേരെ അക്രമം നടത്തിയതായും ഇവര് പറഞ്ഞു. വീടിെൻറ ജനല് ചില്ലുകള് തകര്ന്ന നിലയിലാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.