മാഹി: കഴിഞ്ഞ ദിവസം ദുബൈയിൽനിന്ന് എത്തിയ ഈസ്റ്റ് പള്ളൂർ സ്വദേശിയായ 61കാരന് കോവിഡ് –19 സ്ഥിരീകരിച്ചു. വിമാനത്താവളത്തിൽനിന്ന് നേരെ മാഹി ഗവ. ജനറൽ ഹോസ്പിറ്റലിലെത്തിയ ഇദ്ദേഹത്തെ നിരീക്ഷണത്തിലാക്കി. തുടർന്ന് നടത്തിയ സ്രവപരിശോധനയിലാണ് കോവിഡ് പോസിറ്റിവ് സ്ഥിരീകരിച്ചത്. 17ന് രാത്രി 9.30ന് എയർ ഇന്ത്യയുടെ IX0344 വിമാനത്തിൽ കണ്ണൂർ വിമാനത്താവളത്തിൽ ഇറങ്ങിയ ഇദ്ദേഹം പുലർച്ച 1.45ന് കെ.എസ്.ആർ.ടി.സിയുടെ കെ.എൽ 15 എ 3441 നമ്പറിലുള്ള എട്ടാം നമ്പർ ബസിൽ 2.15ന് മാഹിപ്പാലത്തും അവിടെനിന്ന് ആംബുലൻസിൽ മാഹി ഗവ. ജനറൽ ആശുപത്രിയിലും എത്തുകയായിരുന്നു. പ്രകടമായ രോഗലക്ഷണങ്ങൾ ഇല്ലാതിരുന്നിട്ടും കേരളത്തിലേതിന് വിഭിന്നമായി പുതുച്ചേരി സർക്കാർ വിദേശത്തുനിന്ന് എത്തുന്ന മുഴുവൻ പ്രവാസികളെയും കോവിഡ് ടെസ്റ്റിന് വിധേയമാക്കുന്ന രീതിയാണ് രോഗം കണ്ടെത്താൻ സഹായിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.