കരുവൻപൊയിൽ: രണ്ടു വർഷമായി ഇഴഞ്ഞു നീങ്ങുന്ന വര്യട്ടാക്ക് - താമരശ്ശേരി റോഡിൻെറ പ്രവൃത്തികൾ ഇഴഞ്ഞ് നീങ്ങുന്നതിനാൽ ചെറിയ മഴക്കുപോലും റോഡിൽ ചെളിനിറത്ത് വെള്ളക്കെട്ട് രൂപപ്പെടുന്നതിനാൽ യാത്ര ദുരിതം, കരുവൻപൊയിൽ, പൊയിലങ്ങാടി, കളരാന്തിരി, കരീറ്റിപറമ്പ് ഭാഗങ്ങളിലാണ് വെള്ളക്കെട്ട് രൂപപ്പെടുന്നത്. ഇതോടെ കാൽ നടയാത്ര പോയും പ്രയാസമായിരിക്കുകയാണ്. വര്യട്ടാക്ക് മുതൽ എരഞ്ഞിേക്കാത്ത് വരെയും കാരാടി മുതൽ കളരാന്തിരി വരെയും ടാറിങ് പൂർത്തിയാക്കിയിട്ടുണ്ട്. റോഡിൻെറ പല ഭാഗത്തും ഓവ്ചാൽ നിർമിക്കാത്തതാണ് വെള്ളക്കെട്ടിന് കാരണമാകുന്നതെന്നാണ് നാട്ടുകാർ പറയുന്നത്. റോഡിൻെറ പ്രവൃത്തികൾ ഉടൻ പുനരാരംഭിക്കണമെന്ന് കരുവൻപൊയിൽ കോൺഗ്രസ് കമ്മിറ്റി യോഗം ആവശ്യപ്പെട്ടു. ബ്ലോക്ക് കോൺഗ്രസ് വൈസ് പ്രസിഡൻറ് ടി.കെ.പി. അബൂബക്കർ ഉദ്ഘാടനം ചെയ്തു. ഓൺലൈൻ യോഗത്തിൽ എ.കെ. അബുലൈസ് അധ്യക്ഷതവഹിച്ചു. റോഡ് പണി ഉടൻ പുനരാരംഭിക്കണമെന്നാവശ്യപ്പെട്ട് പൊതുമരാമത്ത് റോഡ് വിഭാഗം എൻജിനീയർക്ക് നിവേദനം നൽകാൻ തീരുമാനിച്ചു. എം.സി. പ്രഭാകരൻ, എം. രവീന്ദ്രൻ, കെ.പി. അബ്ദുൽ റഷീദ്, പൊയിലിൽ തമീം, പി. റഷീദ് ,വി.ടി. ശ്രീകാന്ത് എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.