കണ്ണൂർ: മരുന്നുമായി പോകുന്ന മുസ്ലിം യൂത്ത് ലീഗ് വൈറ്റ്ഗാർഡ് അംഗങ്ങളെ മാട്ടൂലിൽ പഴയങ്ങാടി െപാലീസ് ക്രൂരമായി മർദിക്കുകയും തെറിയഭിഷേകം നടത്തുകയും ചെയ്തതിൽ ജില്ല മുസ്ലിം ലീഗ് പ്രസിഡൻറ് പി. കുഞ്ഞിമുഹമ്മദും ജനറൽ സെക്രട്ടറി അഡ്വ. അബ്ദുൽ കരീം ചേലേരിയും പ്രതിഷേധിച്ചു. കോവിഡ് കാലത്ത് മരുന്നുകൾ കിട്ടാതെ പ്രയാസപ്പെടുന്ന രോഗികൾക്ക് മരുന്നുകൾ എത്തിച്ചുകൊടുക്കുന്ന പ്രവർത്തകരെയാണ് െപാലീസ് ക്രൂരവും നീചവുമായ വിധത്തിൽ മർദിച്ചത്. െപാലീസ് സേനക്കുതന്നെ നാണക്കേട് വരുത്തിവെക്കുന്ന ഇത്തരം ഉദ്യോഗസ്ഥരെ നിലക്കുനിർത്താൻ മുഖ്യമന്ത്രി മുന്നോട്ടുവരണം. സന്നദ്ധ സേവനത്തിനിറങ്ങിയ പ്രവർത്തകരെ ഏത്തമിടീച്ച ഉന്നത ഉദ്യോഗസ്ഥൻ നാടിനും ആഭ്യന്തര വകുപ്പിനുമുണ്ടാക്കിയ അപമാനം ചെറുതല്ല. അതു മാഞ്ഞുപോകുന്നതിനു മുമ്പാണ് ക്രൂരമായ ഈ ചെയ്തി െപാലീസിൻെറ ഭാഗത്തുനിന്നുണ്ടായത്. ഇത് ഗൗരവത്തോടെ കണ്ടില്ലെങ്കിൽ ലോക്ക് ഡൗൺ കാലത്ത് ജനം നിയമം ൈകയിലെടുത്താൽ അത്ഭുതപ്പെടേണ്ടിവരില്ലെന്നും നേതാക്കൾ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.