നരിക്കുനി: മൃഗസംരക്ഷണ വകുപ്പ്, കാക്കൂർ പഞ്ചായത്ത് എന്നിവയുടെ സഹകരണത്തോടെ കുട്ടമ്പൂർ ഹയർ സെക്കൻഡറി സ്കൂളിൽ പൗൾട്രി ക്ലബ് ആരംഭിച്ചു. കാക്കൂർ പഞ്ചായത്ത് പ്രസിഡൻറ് കെ. ജമീല കോഴിക്കുഞ്ഞുങ്ങളെ വിതരണം ചെയ്ത് പരിപാടി ഉദ്ഘാടനം ചെയ്തു. വാർഡ് മെംബർ പി.കെ. വേലായുധൻ നായർ അധ്യക്ഷത വഹിച്ചു. 50 വിദ്യാർഥികൾക്ക് അഞ്ചുവീതം കോഴിക്കുഞ്ഞുങ്ങളും തീറ്റയും നൽകുന്നതാണ് പദ്ധതി. കാക്കൂർ വെറ്ററിനറി ആശുപത്രിയിലെ ഡോ. എം. മുഹമ്മദ് നവാസ് പദ്ധതി വിശദീകരിച്ചു. പി.ടി.എ പ്രസിഡൻറ് എ. അബ്ദുൽ കാസിം, ബി. സതീഷ് കുമാർ, ലൈവ് സ്റ്റോക് ഇൻസ്െപക്ടർ സതീഷ് കുമാർ എന്നിവർ സംസാരിച്ചു. ക്ലബ് കൺവീനർ കെ. നൗഷാദ് സ്വാഗതവും എം.വി. ഷൈജു നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.