മുക്കം: ചേന്ദമംഗലൂർ ഹയർ സെക്കൻഡറി സ്കൂളിലെ സോഷ്യൽ സയൻസ് ക്ലബ് അംഗങ്ങൾ സഹപാഠികളിൽനിന്ന് ശേഖരിച്ച പഠനോപകരണങ്ങ ൾ നിലമ്പൂർ പോത്തുകല്ലിൽ പ്രവർത്തിക്കുന്ന പീപ്ൾസ് ഫ്രീ സൂപ്പർ മാർക്കറ്റിൽ ഏൽപിച്ചു. കവളപ്പാറയിലും പാതാറിലുമുണ്ടായ ഉരുൾപൊട്ടലിൽ ദുരിതമനുഭവിക്കുന്ന വിദ്യാർഥികൾക്ക് വിതരണം ചെയ്യാനായി സഹപാഠികളിൽനിന്ന് ശേഖരിച്ച സ്കൂൾ ബാഗുകൾ, കുട, പുസ്തകങ്ങൾ, പേന, പെൻസിൽ തുടങ്ങിയവയാണ് വിദ്യർഥികൾ ഏൽപിച്ചത്. അർഹരായ കുട്ടികളെ കണ്ടെത്തി പഠനോപകരണങ്ങൾ കൈമാറുമെന്ന് സൂപ്പർമാർക്കറ്റ് കോഡിനേറ്റർ എം.ഐ. അനസ് മൻസൂർ അറിയിച്ചു. ക്ലബ് കൺവീനർ നദീർ ബിൻ ഹനീഫിൻെറ നേതൃത്വത്തിലുള്ള സംഘം പാതാറിലെ ഉരുൾപൊട്ടൽ ദുരന്തമേഖല നേരിട്ട് കാണാനും ദുരിതബാധിതരെ ആശ്വസിപ്പിക്കാനുമെത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.